กระจกรถยนต์ ฟิล์มรถยนต์ จังหวัดเลย
รถตู้ให้เช่าทั่วไทย 77 จังหวัด

เข้าสู่ระบบ เอ๊าเลย! เลยจ๊ะ

เข้าสู่ระบบ  \/ 
x
 Use Facebook account
หรือ
สมัครสมาชิก  \/ 
x
 Use Facebook account
หรือ

กลับมาพ้อกันอีกแล้วเนาะครับเนาะ พ่อแม่พี่น้องของบักอ้าย สำหรับมื้อนี้กะกลับมาพร้อมกับแนวกินอีสานบ้านเฮา 

อ่อมปูนา แนวแซ่บๆจากนา

ที่ถือได้ว่า หากินได้ยากพอสมควร สำหรับคนที่เข้ามาอาศัยอยู่ในเมือง ส่วนคนอีสานบ้านนา กะเริ่มหากินยากคือกัน ย้อนว่านาข้าว

คุมื้อนี้เต็มไปด้วยสารเคมี กะเลยเฮ็ดให้จำนวนอีกะปูนาลดน้อยถอยลงไปนำ แม่นแล้วครับ เมนูที่บักอ้ายที่เอามาฝากมื้อนี้ คือ อ่อมอีกะปูนา
บัดที่นี้กะมาเบิ่งแม่ใหญ่นวลเลาเฮ็ดแนวกินแลงนำกันเนาะ

อ่อมอีกะปูนาใส่บักฮุ่ง(บ่เฮิ่ม)
ส่วนผสมมีดังต่อไปนี้ (เลาหันมาเว้าไทยกับบักอ้าย)
ปูนา ผักชีลาว บักหุ่งที่เหลือจากตำบักหุ่งเมื่อวานนี้(เลายังพยายามเว้าไทยอยู่) ต้นผักบั่ว ผักอีตู่ บักเขือขื่น บักพริกดิบ
หัวคิงไค หัวผักบั่ว ใบบักกูด กระเทียม ข้าวหม่า น้ำปลา น้ำตาล เกลือ

อ่อมปูนา แนวแซ่บๆจากนา

อ่อมปูนา แนวแซ่บๆจากนา

อ่อมปูนา แนวแซ่บๆจากนา
แม่ใหญ่นวลเลาค่อยๆลงมือเฮ็ดแต่ละขึ้นตอนช้าๆ
เอาอีปูนาแช่น้ำเอาไว้ ให้มันคายขี้ดินออกมา
สับบักหุ่งให้เป็นต่อนๆ แม่ใหญ่นวลเลาประหยัด เลาหาบักหุ่งเฮิ่มบ่ได้
เลากะเลยเอาบักหุ่งที่ตำส้มกินเมื่อตอนกลางเว้นมาเฮ็ด บ่ต้องไปต่อยใหม่
ปลอกบักเขือขื่น เอาแต่ในมัน
ส่วนผักอีตู่กะเด็ดเอาแต่ยอดมัน
ผักชีลาวกับผักบั่วหั่นให้มันเป็นท่อนๆยาวจักหนึ่งนิ้วพอ

อ่อมปูนา แนวแซ่บๆจากนา
หั่นหัวคิงไค หัวผักบั่ว เอามาใส่ครกตำกับเกลือ บักพริกสด กระเทียม
ใส่บักบักกูดจักหน่อย ตำให้มันแหลก ค่อยใส่เม็ดบักเขือขื่นลงไป
ตำต่อให้ทั้งหมดเข้ากัน แล้วก็ตักเตรียมเอาไว้

อ่อมปูนา แนวแซ่บๆจากนา

“มาตำข้าวเบือให้แม่แน่หล้า”แม่ใหญ่นวลบอกอ้าย
คันอ่อมอีกะปูแซ่บหลายกะคงจะเป็นเพราะว่าบักอ้ายช่อยตำข้าวเบือนี่ล่ะ

อ่อมปูนา แนวแซ่บๆจากนา
ต่อไปกะหันไปเฮ็ดอีกะปู หลังจากล้างให้มันสะอาด
กะตั้งน้ำ ต้มอีกะปูให้สุก

อ่อมปูนา แนวแซ่บๆจากนา
เอามาแกะแยกกระดอง แยกตัว แล้วก็ขาและกล้ามออกจากกัน
เขาช้อนขูดมันปูออกจากกระดองใส่ถ้วยไว้

อ่อมปูนา แนวแซ่บๆจากนา
เอากระดองกับขาแล้วกะกล้ามไปตำรวมกันให้มันแหลก

อ่อมปูนา แนวแซ่บๆจากนา

เติมน้ำสะอาดลงไป คั้นเอาแต่น้ำปู ส่วนกากกะเอาทิ่มไป เฮากะสิได้น้ำปูเตรียมเอาไว้

อ่อมปูนา แนวแซ่บๆจากนา

อ่อมปูนา แนวแซ่บๆจากนา
ขั้นตอนต่อไป เอาน้ำปูที่เฮาคั้นไว้ มาตั้งไฟ
ใส่พริกแกงลงไป คนให้ทั่ว ท่าให้เดือด ค่อยเอาเนื้อปูที่แกะไว้เติมลงไป

อ่อมปูนา แนวแซ่บๆจากนา
พอเดือดอีกรอบ กะปรุงรสด้วย น้ำปลา น้ำตาล และพระเอกของเฮา
น้ำปลาร้า แล้วค่อยใส่บักฮุ่งลงไป ตามด้วยข้าวเบือที่เฮาตำเอาไว้
คนให้ข้าวเบือเข้าเนื้อกับน้ำ
สุดท้ายก็เอาผักบั่ว ผักชีลาว กับผักอีตู่โยนลงไป
เมื่อทุกอย่างสุกหมด กะสำเร็จแล้ว

อ่อมปูนา แนวแซ่บๆจากนา

อ่อมปูนา แนวแซ่บๆจากนา

ตักใส่ถ้วยโลด

อ่อมปูนา แนวแซ่บๆจากนา

คันมีอีกะปูเหลือกะเอาโฮยเกลือ ใส่ไม้หีบไปย่างไฟ
พอสุกก็เอาข้าวเหนียวจิ้มกิน
อย่าให้บักอ้ายต้องเซดเลย

อ่อมปูนา แนวแซ่บๆจากนา

อ่อมปูนา แนวแซ่บๆจากนา

อ่อมปูนา แนวแซ่บๆจากนา

อ่อมปูนา แนวแซ่บๆจากนา

อ่อมปูนา แนวแซ่บๆจากนา

มื้อนี้เฮากะมากินเข้านอนนากันเนาะ พ่อใหญ่ชายเอาฟืนมาดั่งไฟ
ข้างกระต๊อบฟางข้าวช่อยให้แจ้งขึ้นหลาย เพราะว่ามื้อนี้อีเกิ้งมมันบ่ขึ้น
บักอ้ายเอาสาดมาปูแล้วกะเอาตะเกียงมาจุด ก่อนที่แม่ใหญ่นวลที่ยกพาข้าวมา
ป้าด+++มีข้าวก่ำนำเด้

“มาเด้อพ่อแม่พี่น้อง มากินแลงนำกัน”

 

 

ขอขอบคุณบทความจาก : https://pantip.com/topic/35591659

ดูข่าวที่คุณอาจจะสนใจ

Go to top